"საქართველო "
# 3
5 მარტი, 2002 წელი

თავის მოკვლა უდიდესი ცოდვაა

ღმერთი იმდენად მოწყალეა, რომ ადამიანს სიცოცხლე აჩუქა, თავის ხატად და მსგავსად შექმნა. სამოთხე აჩუქა. პირველი შეცოდების შემდეგ კაცობრიობა განუწყვეტლივ დაეძებს სამოთხის კარებს და ასევე განუწყვეტლივ სცოდავს. თუმცა ცოდვაც არის და ცოდვაც. ზოგი მათგანი მომაკვდინებელია. თავის მოკვლა ღმერთის გმობას ნიშნავს, უსასობით გამოწვეული ეს ნაბიჯი მკვლელობის მსგავსად საუკუნო ჯოჯოხეთით ისჯება. უმძიმესი ცოდვა, სასჯელი, რომელიც ადამიანმა შეიძლება დაატეხოს საკუთარ თავს, თავის მოკვლა გახლავთ. ამგვარი ადამიანის მოხსენიება საეკლესიო რიტუალებში დაუშვებელია. ერთადერთი, რითაც მიცვალებულს შეიძლება დაეხმარონ ოჯახის წევრები და ახლობლები, მოწყალების გაღება გახლავთ.

(c) გაზეთი "საქართველო"
(c) ქართული პრესის კომპიუტერული არქივი

2002

მოგვწერეთ opentext@flashmail.com