"რეზონანსი "
# 33
ხუთშაბათი, 7 თებერვალი, 2008 წელი

მსოფლიო ბაზარზე მალე ქართული მაკარონი გამოჩნდება

(პრაიმ-ნიუსი) პრემიერ-მინისტრი ვლადიმერ გურგენიძე ტერმინალ "ლილო-1"-ის მიმდებარე ტერიტორიაზე მაკარონის ქარხნის გახსნას დაესწრო. ქარხანაში 15 მილიონი დოლარის ინვესტიცია განხორციელდა, რაც, პრემიერ-მინისტრის თქმით, კარგი მაგალითია ახალი სამუშაო ადგილების შექმნისა და ეკონომიკის განვითარების თვალსაზრისით.

"ინვესტიციებს სამუშაო ადგილების ზრდა მოჰყვება, შესაბამისად, თუ აქამდე საწარმოში 600-მდე კაცი იყო დასაქმებული, ახალი სიმძლავრეების სრულად დატვირთვის შემთხვევაში, აქ დამატებით 1000-მდე ახალი სამუშაო ადგილი შეიქმნება", - აღნიშნა მან.

მისივე განცხადებით, დღესდღეობით უმნიშვნელოვანესი და აქტუალური თემაა ექსპორტის წახალისება და იმპორტის სამამულო პროდუქციით ჩანაცვლება. საწარმო წლის ბოლომდე სრული დატვირთვით ამუშავდება და ფქვილსა და მაკარონს დაამზადებს.

(c) გაზეთი " რეზონანსი "
(c) ქართული პრესის კომპიუტერული არქივი

მოგვწერეთ :opentext@flashmail.com