"რეზონანსი "
# 34
პარასკევი, 8 თებერვალი, 2008 წელი

გუნცაძე ოქრუაშვილის პარტიიდან არ მიდის

(პირველი) მოძრაობა "ერთიანი საქართველოსთვის" ერთ-ერთი ლიდერი კოკა გუნცაძე მისი პარტიიდან წასვლის შესახებ გავრცელებულ ინფორმაციას უარყოფს. ამბობს, რომ სხვა პარტიაში გადასვლას არ გეგმავს და კვლავ თავდაცვის ექს-მინისტრის პოლიტიკურ მოძრაობაში რჩება.

"ჩემი სხვა პოლიტიკურ პარტიაში გადასვლის შესახებ ინფორმაცია მორიგი ჭორია. არ ვიცი, რისთვის დასჭირდათ ასეთი ტყუილის გავრცელება," - აღნიშნა მან.

ხუთშაბათს გავრცელდა ინფორმაცია იმის შესახებ, რომ გუნცაძე პოლიტიკურ მოღვაწეობას გიორგი თარგამაძის მიერ დაფუძნებულ "ქრისტიან-დემოკრატიულ მოძრაობაში" გააგრძელებს.

(c) გაზეთი " რეზონანსი "
(c) ქართული პრესის კომპიუტერული არქივი

მოგვწერეთ :opentext@flashmail.com