"რეზონანსი "
# 41
პარასკევი, 15 თებერვალი, 2008 წელი

ადვოკატი: პატარკაციშვილის მიმართ სს საქმე არ უნდა შეწყდეს

(მედიანიუსი) პატარკაციშვილის ადვოკატი სოსო ბარათაშვილი გარდაცვლილის ოჯახის წევრებს ურჩევს, არ მოითხოვონ ბიზნესმენის მიმართ სისხლის სამართლის საქმის წარმოების შეწყვეტა, რადგან მიაჩნია, რომ სასამართლო პროცესის გამართვა პრეზიდენტობის ყოფილი კანდიდატის პოლიტიკური იმიჯის რეაბილიტაციისთვის არის საჭირო.

როგორც ბარათაშვილმა განაცხადა, დაცვის მხარეს საკმარისზე მეტი მტკიცებულებები აქვს იმისთვის, რომ სრული დამაჯერებლობით დაუმტკიცოს სასამართლოს პატარკაციშვილის მიმართ პროკურატურის მიერ წაყენებული ბრალდებების აბსურდულობა.

ბარათაშვილის თქმით, საბოლოო გადაწყვეტილება გარდაცვლილის ოჯახის წევრებმა უნდა მიიღონ.

(c) გაზეთი " რეზონანსი "
(c) ქართული პრესის კომპიუტერული არქივი

მოგვწერეთ :opentext@flashmail.com