"რეზონანსი "
# 48
პარასკევი, 22 თებერვალი, 2008 წელი

თეირანში ქართულ-ირანული ბიზნეს ფორუმი გაიმართება

(ინტერპრესნიუსი) თეირანში თებერვლის ბოლომდე ქართულ-ირანული ბიზნეს ფორუმი გაიმართება. საქართველოს სავაჭრო-სამრეწველო პალატის ცნობით, ფორუმზე ქართულ კომპანიებს საშუალება მიეცემათ საკუთარი საინვესტიციო პროექტები და ბიზნეს წინადადებები წარადგინონ.

ფორუმის ფარგლებში დაგეგმილია ირანულ-ქართული საინვესტიციო ფონდის დაარსება. იგი ირანის ისლამური რესპუბლიკის სავაჭრო-სამრეწველო პალატის, ირანული საინვესტიციო ჯგუფის ფდშეუ თფიფ შტმუთექუტე-ის ინიციატივით და საქართველოს სავაჭრო-სამრეწველო პალატის ხელშეწყობით შეიქმნება.

საქართველოს სავაჭრო-სამრეწველო პალატის ინფორმაციით, ფონდის დაარსება საქართველოში ეკონომიკური პროექტების განხორციელებით ირანული ბიზნეს წრეების ინტერესმა განაპირობა. საინვესტიციო ფონდის მიზანი ერთობლივი ირანულ-ქართული საწარმოების შექმნის ხელშეწყობა და ტურიზმის, მშენებლობისა და კვების მრეწველობის სფეროებში პერსპექტიული ბიზნეს-პროექტების დაფინანასებაა.

(c) გაზეთი " რეზონანსი "
(c) ქართული პრესის კომპიუტერული არქივი

მოგვწერეთ :opentext@flashmail.com