"რეზონანსი "
# 56
შაბათი, 1 მარტი, 2008 წელი

შამბა დამოუკიდებლობის აღიარებას კუბისგან და ჩრ. კორეისგან არ ელის

(მედიანიუსი) აფხაზეთის სეპარატისტული ხელისუფლების ე.წ. საგარეო საქმეთა მინისტრის სერგეი შამბას განცხადებით, სოხუმი დამოუკიდებლობის აღიარებას "ჩრდილოეთ კორეისგან და კუბისგან კი არა, რუსეთისაგან და ევროპისაგან ელის."

შამბას მტკიცებით, აფხაზეთში "სამაგალითო დემოკრატია არსებობს", რაც ევროკავშირმა უნდა გაითვალისწინოს. მისი თქმით, სოხუმი მზადაა, აქტიურად ითანამშრომლოს ევროკავშირთან, მაგრამ თანამშრომლობა თავად ამ ორგანიზაციას არ სურს.

რაც შეეხება რუსეთს, შამბა იმედოვნებს, რომ რუსეთი სწორედ შეაფასებს პრიორიტეტებს და ცნობს აფხაზეთის დამოუკიდებლობას.

(c) გაზეთი " რეზონანსი "
(c) ქართული პრესის კომპიუტერული არქივი

მოგვწერეთ :opentext@flashmail.com