"რეზონანსი "
# 60
ოთხშაბათი, 5 მარტი, 2008 წელი

ყარაბაღში შეტაკებები მიმდინარეობს

(ინტერპრესნიუსი) მთიან ყარაბაღში, არაღიარებული რესპუბლიკის აზერბაიჯანთან საზღვარზე შეტაკებები მიმდინარეობს. აზერბაიჯანული საინფორმაციო სააგენტოების ცნობით, აზერბაიჯანის მხრიდან დაიღუპა 4 ჯარისკაცი, ერთი დაიჭრა. "დეი.აზ"-ის ცნობით, სომხური მხარის დანაკარგები გაცილებით დიდია.

სომხური საინფორმაციო სააგენტოები, რომლებიც ქვეყანაში გამოცხადებული საგანგებო მდგომარეობის პირობებში მუშაობენ, მხოლოდ 4 მარტს გამთენიისას მომხდარი შეტაკებების შესახებ ავრცელებენ ინფორმაციას.

"ახალი ამბები-საქართველოს" ცნობით, აზერბაიჯანული მხრიდან 8 ჯარისკაცი დაიღუპა, მთიანი ყარაბაღის მხრიდან კი 2 ჯარისკაცი დაიჭრა.

(c) გაზეთი " რეზონანსი "
(c) ქართული პრესის კომპიუტერული არქივი

მოგვწერეთ :opentext@flashmail.com