"სარბიელი"
# 74
ხუთშაბათი, 3 აპრილი, 2008 წელი

დვალიშვილის ბალტი-გოლი

მიხეილ ჟორჟოლიანი

"ბალტიის თასის" გათამაშების ჯგუფური ეტაპის მორიგ ტურში გაილაღა დავით გამეზარდაშვილისა და ვლადიმერ დვალიშვილის "სკონტომ". ლატვიელებმა სტუმრად 6:1 მოუგეს ლიტვურ "სუდუვას" და ნახევარფინალში გასვლა თითქმის გაინაღდეს.

გამეზარდაშვილმა ლიტველებთან სრულად ითამაშა, დვალიშვილი კი მოედანზე 62-ე წუთზე შევიდა და ხუთ წუთში პენალტიც გაიტანა.

ნახევარფინალში გასვლის შანსს ინარჩუნებენ სხვა "ქართული" ქუნდებიც - ლატვიური "ვენტსპილსი" და ლიტვური "კაუნასი".

"ვენტსპილსმა" ზურაბ მენთეშაშვილის გარეშე 2:0 მოუგო ვილნიუსის "ჟალგირისს" და ქულებით (6-6) გაუთანაბრდა.

გივი კვარაცხელიას, ნუკრი მანჩხავასა და აკაკი ხუბუტიას "კაუნასი" კი სტუმრად 1:1 ეთამაშა ლიეპაიას "მეტალურგსს". სამივე ქართველი ძირითადში იყო, მანჩხავამ 25-ე წუთზე ტრავმა მიიღო და შეცვალეს.

(c) გაზეთი "სარბიელი "
(c) ქართული პრესის კომპიუტერული არქივი

2008 წელი

მოგვწერეთ :opentext@flashmail.com