"სარბიელი"
# 76
შაბათი, 5 აპრილი, 2008 წელი
სად წავა ადამია მაისიდან?
მიხეილ ჟორჟოლიანი
ქართველ ლეგიონერთაგან გოლებით თუ ვინმე გამოირჩევა, ერთ-ერთი ბაქოს "ნეფთჩის" თავდამსხმელი
გიორგი ადამიაა.
მას აზერბაიჯანულმა ფჭუკშთზწკე-მა ინტერვიუ ჩამოართვა და აქ სწორედ ამ ინტერვიუს გთავაზობთ...- "ნეფთჩისთვის" ჩემპიონატის მოგება უფრო მნიშვნელოვანია თუ ქვეყნის თასის.
- საუცხოო იქნებოდა, დუბლი გაგვეკეთებინა. არა მგონია, გუნდში ვინმეს ეს ორი ტურნირი მნიშვნელობის მიხედვით დაეყო. მზად ვართ, ყველაფერი გავაკეთოთ, რათა სეზონის ბოლოს ორივე ჯილდო მოვიპოვოთ.
- წინ ტურში თანაქალაქელი "ბაკი" დაამარცხეთ...
- მიხარია, რომ დერბიში გავიმარჯვეთ. ამ მატჩს ჩვენთვის დიდი მნიშვნელობა ჰქონდა, რადგან პირველ წრეში "ბაკიმ" 5:1 მოგვიგო.
- ამ სეზონში ჩემპიონობის ყველაზე რეალური შანსი რომელ გუნდს აქვს.
- ჩემი აზრით, გათამაშების ლიდერ "ოლიმპიკს". თუმცა, ვფიქრობ, მისი გასწრება შეგვიძლია. გუნდში საუცხოო ატმოსფეროა და მოედანზე ერთმანეთის უსიტყვოდ გვესმის.
- გამოდის, რომ ყველაფერს "ნეფთჩი" - ოლიმპიკის" შეხვედრა გადაწყვეტს.
- ვფიქრობ, ასეა. თუმცა ამ მატჩამდე ქულები არ უნდა დავკარგოთ. თუ შეცდომებს დავუშვებთ, მაშინ ლიდერთან გამარჯვებამ შეიძლება ვეღარც გვიშველოს.
- მაისში "ნეფთჩისთან" კონტრაქტი გიმთავრდებათ და თუ გადაწყვიტეთ, კარიერას სად განაგრძობთ.
- ჯერჯერობით, ვფიქრობ. სხვა ქვეყნის ჩემპიონატში თამაშზე უარს ნამდვილად არ ვიტყოდი. თუ კარგი წინადადებები მექნება, განსახილველად მზად ვარ.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com