"სარბიელი"
# 78
სამშაბათი, 8 აპრილი, 2008 წელი

ლევან კობიაშვილის სარეკორდო შანსები

კახა შალამბერიძე

გერმანული ბუნდესლიგის 27-ე ტურში "ლევერკუზენის" ბოსნიელმა ფორვარდმა, 36 წლის სერგი ბარბარესმა თავის ბუნდესკარიერაში 323-ე მატჩი გამართა. ეს არის ბუნდესლიგაში მოთამაშე ლეგიონერთა რეკორდი, რომელიც აქამდე დანიელ ოლე ბიორნმორსეს ეკუთვნოდა (323 მატჩი).

ჩვენთვის საინტერესო კი ის არის, რომ გელზენკირხენის "შალკეს" ქართველ ლეგიონერ ლევან კობიაშვილს დღემდე 253 ბუნდესმატჩი აქვს ჩატარებული და ოდენ 12 მატჩით ჩამორჩება მეათეადგილოსან შვეიცარიელ ჩირიაკო სფორცას (265). ანუ თამამად შეიძლება ითქვას, რომ ახალი სეზონის დასაწყისში ლევანს მისი გადასწრება შეუძლია, სეზონის ბოლოს კი ვინძლო მე-7-მე-8 ადგილებზეც კი აღმოჩნდეს.

გერმანელი ჟურნალისტების აზრით, 30 წლის კობიაშვილს კარგი შანსი აქვს, 2-3 სეზონში პირველ ადგილზეც კი გავიდეს.

(c) გაზეთი "სარბიელი "
(c) ქართული პრესის კომპიუტერული არქივი

2008 წელი

მოგვწერეთ :opentext@flashmail.com