"სარბიელი"
# 79
ოთხშაბათი, 9 აპრილი, 2008 წელი
ესპანეთში საქართველოს მალოშეევი წარადგენს
ლექსო მაისურაძე
საქართელოს ხუთჭიდელთა ნაკრები ესპანეთში 8-12 აპრილს გასამართ მსოფლიოს თასის მე-4 ეტაპზე ვერ გაემგზავრა. მადრიდში მხოლოდ ვიაჩესლავ მალოშეევი გამოვა, რომელიც მოსკოვში ცხოვრობს და ვარჯიშობს. მალოშეევი გამოცდილი ხუთჭიდელია და ნაკრების თავკაც ამირან შეროზიასაც მისი ეიმედება. მალოშეევმა ცხენით ვარჯიშისას მცირე ტრავმა მიიღო, თუმც ახლა კარგადაა და შეუძლია, მსოფლიოს თასზე გამოვიდეს.
ნაკრების სხვა წევრებს კი თავის გამოჩენის შესაძლებლობა 7 მაისს ჩეხეთის დედაქალაქ პრაღაში მიეცემათ, როდესაც მსოფლიოს თასის მე-5 ეტაპზე გამოვლენ.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com