"სარბიელი"
# 80
ხუთშაბათი, 10 აპრილი, 2008 წელი

ანჟის და ნავალოვსკის წითელი აენთოთ

ლუკა თალაკვაძე

ქართველებით გაძეძგილმა მახაჩყალის "ანჟიმ" რუსეთის პირველი დივიზიონის მეოთხე ტურში სტუმრად 0:4 წააგო კრასნოდარის "ყუბანთან" და ცხრილის შუაშია. არადა, ამ ტურის წინ გათამაშებას ერთპიროვნულად ლიდერობდა.

59-ე წუთზე, როდესაც დაღესტნელები მინიმალური სხვაობით აგებდნენ, გიორგი ნავალოვსკი მეორე ყვითელი ბარათის გამო გააძევეს.

ნავალოვსკი, გოჩა ხოჯავა და ვალერი აბრამიძე ძირითადში იყვნენ, რევაზ ჯიქია 65-ე წუთზე შევიდა შეცვლაზე, ზურაბ არზიანი და მიხეილ აშვეთია სათადარიგოთა სკამზე დარჩნენ, ხოლო რევაზ ბარაბაძე განაცხადში არ გახლდათ.

(c) გაზეთი "სარბიელი "
(c) ქართული პრესის კომპიუტერული არქივი

2008 წელი

მოგვწერეთ :opentext@flashmail.com