"სარბიელი"
# 80
ხუთშაბათი, 10 აპრილი, 2008 წელი
ქართული ფეხბურთი ჩინურ ფეხბურთთან
მიხეილ ჟორჟოლიანი
ჩრდილოეთ ირლანდიასთან წაგებულმა (1:4) მატჩმა საქართველოს ნაკრების სარეიტინგო ადგილი 18 ქულით და 5 ადგილით გააუარესა.
ჯერჯერობით უთავკაცო ნაკრები 81-ე ადგილამდე დაქვეითდა და ომან-ჩინეთის ნაკრებებს შორისაა მოქცეული.
საქართველოს ნაკრები რომ მართლაც ძლიერ ჯგუფშია მოხვედრილი, ამაზე ბოლო რეიტინგიც მეტყველებს - იტალიის ნაკრებზე რომ არაფერი ვთქვათ, ჩვენთვის უკვე შემაშფოთებელი უნდა იყოს კვიპროსისა და ჩერნოგორიის ნაკრებთა პროგრესი: კუნძულელები 5 პოზიციით დაწინაურდნენ და 58-ე ადგილზე არიან, ხოლო ახლადშობილი ჩერნოგორია ნორვეგიელთა დამარცხებით 22 ადგილით დაწინაურდა, მართალია, მათ 153-ე ადგილი უჭირავს, მაგრამ როგორც გითხარით, მის ქულებს ცოტა ხანია, ითვლიან.
ბულგარელები ერთი საფეხურით დაწინაურდნენ, ირლანდიელები კი 5-ით დაქვეითდნენ.
პირველ ათეულში მცირე ცვლილებაა - მეათეადგილოსანმა საბერძნეთმა მერვეზე აინაცვლა და პორტუგალია-ჰოლანდია თითო ადგილით ქვემოთ ჩააჩოჩა.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com