"სარბიელი"
# 82
შაბათი, 12 აპრილი, 2008 წელი
იუვე და ამაური ბევრი ფული და ხალხიც ხურდაში
კოკი კანდელაკი
სიცილიური "პალერმოს" ფორვარდ ამაურით არაერთი გრანდი რომ არის დაინტერესებული არახალია. მათგან ერთ-ერთი ყველაზე აქტიური ტურინის "იუვენტუსი" გახლავთ, მით უმეტეს, გასული უქმეების მერე, როცა ბრაზილიელმა "ბებერ ქალბატონს" ორი გოლი გაუტანა.
"კორიერე დელო სპორტის" ინფორმაციით, "ბიანკონერის" სპორტულმა დირექტორმა ალესიო სეკომ "პალერმოს" ტრანსფერების შეფ რინო ფოსკისთან წინასწარ შეთანხმებას უკვე მიაღწია და გადაწყვეტილია, რომ ტრანსფერი ზაფხულში შედგება.
ამბობენ, "იუვე" სიცილიელებს 12-13 მილიონ ევროს გადაუხდის და პლუს ანტონიო ნოჩერინოზე და მარო მარკიონიზე სანახევრო უფლებებს დაუთმობსო. თურმე სეკოს ამჟამად "ჯენოაში" განათხოვრებული დომენიკო კრიშიტოს საქმეში ჩართვაც სურს, რათა ნაკლები სუფთა ფული იყოს გადასახდელი.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com