"სარბიელი"
# 88
შაბათი, 19 აპრილი, 2008 წელი
ზლატანი შვედეთში გაუშვეს
კოკი კანდელაკი
ბოსნიური წარმოშობის შვედ ფორვარდ ზლატან იბრაჰიმოვიჩს მარცხენა მუხლის ტრავმა არ ეშვება. "იბრაკადაბრას" 29 მარტის მერე არ უთამაშია და ალბათ კიდევ ორი კვირა მოუწევს დასვენება. "ინტერის" ლიდერი შვედეთში იმკურნალებს.
"ზლატანს ინდივიდუალური სარებაილიტაციო და სავარჯიშო პროგრამა დავუნიშნეთ, რომელსაც სულ მცირე 10 დღეს მოანდომებს და იმედია, პრობლემა ამით მოგვარდება" - ნათქვამია მილანის "ინტერის" განცხადებაში.
თითქმის გადაწყვეტილია, რომ "ნერაძურის" ლიდერი კლუბს ვერ დაეხმარება "ტორინოსთან" და "კალიარისთან" მატჩებში. ისიც საკითხავია, ჩადგება თუ არა მწყობრში 26 წლის თავდამსხმელი 4 მაისს გასამართი მილანური დერბისთვის.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com