"სარბიელი"
# 88
შაბათი, 19 აპრილი, 2008 წელი

სესია ვებერმა დახურა

კახა ლომაძე

ბარსელონაში, "კატალუნია მონტმელოს" აეროდრომზე ოთხდღიანი სატესტო სესია დასრულდა. ბოლო დღეს საუკეთესო დრო "რედ ბულის" ავსტრალიელმა პილოტმა მარკ ვებერმა აჩვენა - წუთი და 21,953 წამი.

წინა დღეებთან შედარებით, ამ ჯერზე დაბალი შედეგები იქნა ნაჩვენები და ეს არც არის გასაკვირი - ბარსელონაში თითქმის მთელი დღის განმავლობაში წვიმდა და ტრასაზეც, მხოლოდ რვა პილოტი გავიდა.

ვებერს თითქმის ორი წამით ჩამორჩნენ ფინელები - "მაკლარენის" ჰეიკი კოვალაინენი (1.23,589) და ფერარელი მსოფლიოს ჩემპიონი კიმი რაიკონენი (1.23,619). ამათ უკან კი პოლონელი რობერტ კუბიცა ("იქც-ზაუბერი"), ინგლისელი ჯენსონ ბატონი ("ჰონდა"), იაპონელი კაძუკი ნაკაჯიმა ("უილიამსი"),, ბრაზილიელი ნელსონ პიკე ("რენო") და იტალიელი იარნო ტრული ("ტოიოტა") განლაგდნენ.

(c) გაზეთი "სარბიელი "
(c) ქართული პრესის კომპიუტერული არქივი

2008 წელი

მოგვწერეთ :opentext@flashmail.com