"სარბიელი"
# 88
შაბათი, 19 აპრილი, 2008 წელი
ახალკაცის ოპონენტებს ადგილი არ ჰყოფნით
კოტე კეკელია
ორშაბათს 12 საათზე ჭადრაკის სასახლეში დიდი თავყრილობაა დაგეგმილი. საქართველოს ფეხბურთის ფედერაციის მესვეურთა მიმართ ოპოზიციურად განწყობილი საფეხბურთო ორგანიზაციები - "ჩვენი ფეხბურთი", "ქომაგთა ლიგა" და "გაუმარჯოს ქართულ ფეხბურთს" - მთელი საქართველოდან ელიან მხარდამჭერებს.
შეკრების ერთ-ერთმა ორგანიზატორმა, ფეხბურთის ფედერაციის პრეზიდენტობის ყოფილმა კანდიდატმა მამუკა კვარაცხელიამ გუშინ გვითხრა, პრობლემა ის გვაქვს, 600-ადგილიან დარბაზში, შესაძლოა, ყველა მსურველი ვერ დაეტიოს და გარეთაც ვაპირებთ დინამიკების დადგმასო.
შეკრების მიზეზი კი ძველია - საქართველოს ფეხბურთის ფედერაციის პრეზიდენტის რიგგარეშე არჩევნების დანიშვნის მოთხოვნა.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com