"სარბიელი"
# 91
ოთხშაბათი, 23 აპრილი, 2008 წელი
მოლდოვური ამბები
კახა შალამბერიძე
მოლდოვის ჩემპიონატის 28-ე ტურში, გათამაშების ლიდერმა ტირასპოლის "შერიფმა" რიბნიცას "ისკრა-სტალი" მიიღო და 6:0 გაანადგურა.
ტირასპოლელთა ქართველმა კაპიტანმა ვაჟა თარხნიშვილმა სრულად ითამაშა, ხოლო კიდევ ორი ქართველი ლეგიონერი - ძმები ვალტერ და პავლე ხორგუაშვილები არ გამოჩენილან.
ამავე ტურში ჯაბა დვალის და ლევან კორღალიძის კიშინიოვის "დაჩიამ" "ტირასპოლს" უმასპინძლა და უგოლოდ გაეყარა.
კიშინიოველთა გუნდში ორივე ქართველმა ფეხბურთელმა შეუცვლელად ითამაშა.
და ერთიც: კიშინიოვის "ზიმბრუმ" სტუმრად "ნისტრუსთან" 0:2 წააგო.
მამუკა ლომიძემ 90 წუთი ითამაშა.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com