"სარბიელი"
# 102
ოთხშაბათი, 7 მაისი, 2008 წელი
გოჩა ხოჯავას საუკეთესო თვე
კახა შალამბერიძე
რუსეთის პირველ დივიზიონში მოთამაშე მახაჩყალის "ანჟიმ", რომლის შემადგენლობაშიც შვიდი ქართველი ირიცხება, შინ მოსკოვის "სპორტაკადემკლუბს" 4:2 მოუგო.
ძირითად შემადგენლობაში იყვნენ ვალერი აბრამიძე და ზურაბ არზიანი. პირველმა სრულად ითამაშა, არზიანი კი 81-ე წუთზე რევაზ ჯიქიამ შეცვალა.
რაც შეეხება მიხეილ აშვეთიას - მოედანზე 84-ე წუთზე შევიდა.
89-ე წუთზე, როცა ანგარიში 2:2 იყო, ჯიქიას დაწყებული კომბინაცია აშვეთიამ გააგრძელა და მისი პასით დააწინაურა გუნდი ჟოსანმა. მეოთხე გოლი კი მახაჩყალელებმა წამატებულ წუთებზე გაიტანეს.
ომარ თეთრაძის გუნდი სატურნირო ცხრილში მე-4 ადგილზეა.
"სპორტაკადემკლუბთან" არ უთამაშიათ დისკვალიფიცირებულ გოჩა ხოჯავას, გიორგი ნავალოვსკის და რევაზ ბარაბაძეს.
სხვათა შორის, რუსულმა "სპორტ-ექსპრესმა" ხოჯავა აპრილის თვის პირველი დივიზიონის საუკეთესო უცხოელ ფეხბურთელად დაასახელა.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com