"სარბიელი"
# 153
ორშაბათი, 7 ივლისი, 2008 წელი
აშვეთიას გოლმა დააგვიანა
ილია ნანობაშვილი
მახაჩყალის "ანჟიმ" 20-მატჩიანი წაუგებელი სერია დონისპირეთში დაასრულა: ომარ თეთრაძის გუნდმა რუსეთის პირველი დივიზიონის ლიდერ "როსტოვთან" 1:2 დათმო.
მიხეილ აშვეთიას პენალტით გატანილი დაგვიანებული გამოდგა, ეს 86-ე წუთზე მოხდა და დაღესტნელებს მეტის გასაკეთებლად დრო აღარ დარჩათ.
"ანჟიში" ოთხმა ქართველმა - ვალერი აბრამიძემ, ზურაბ არზიანმა, მიხეილ აშვეთიამ და გიორგი ნავალოვსკიმ - 90-90 წუთი ითამაშა. გოჩა ხოჯავამ მეორე ტაიმი დაჰყო მინდორზე, რევაზ ჯიქია 81-ე წუთზე შევიდა, ხოლო რევაზ ბარაბაძე სათადარიგოებში დარჩა.
წაგების მიუხედავად, "ანჟი" მეორე ადგილზე დარჩა, ანუ ამ მომენტისთვის პრემიერლიგაში გადამსვლელი საფეხური უკავია.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com