"სარბიელი"
# 157
პარასკევი, 11 ივლისი, 2008 წელი

მაკა ჩახნაშვილი მეოთხედფინალშია

იტალიაში, კუნძულ სიცილიის მთავარქალაქ პალერმოში ცეფ-ტურის ეგიდით 145-ათასიანი ტურნირი მიმდინარეობს და მაკა ჩახნაშვილი, რომელმაც შეჯიბრი საკვალიფიკაციო ეტაპიდან დაიწყო, უკვე მეოთხედფინალშია.

ძირითადი ტურნირის პირველ წრეში ბელგიელ იანინა ვიკმაიერთან გამარჯვების შემდეგ მაკამ 2:6 6:1 6:1 მოუგო ტურნირზე ორგანიზატორთა მიწვევით მოთამაშე იტალიელ კორინა დენტონის და ახლა კიდევ ერთ მასპინძელს, ტურნირის მთავარ ფავორიტ ფლავია პენეტას დაუპირისპირდება.

იტალიაში თამაშობს სოფო შაფათავაც. რომში, ტევერო რემოს თიხნარის კორტებზე შეა-ის ეგიდით 25-ათასიანი ტურნირი გრძელდება და შაფათავამ ორი მასპინძლის გავლით მეოთხედფინალში გააღწია. კვალიფიკაციიდან წამოსულ კამილა ჯიორჯისთან გამარჯვების შემდეგ სოფომ 5:7 6:4 6:4 მოუგო რეიტინგის 362-ე პოზიციაზე მყოფ ეველინ მაიერს.

მეოთხედფინალში ქართველის მეტოქე კიდევ ერთი მაიერი, ოღონდაც ავსტრიელი, პატრიცია მაიერი იყო და დაძაბული სამსეტიანი მატჩი მეოთხე ნომრად განთესილი ავსტრიელის გამარჯვებით დასრულდა - 3:6 7:5 6:2.

(c) გაზეთი "სარბიელი "
(c) ქართული პრესის კომპიუტერული არქივი

2008 წელი

მოგვწერეთ :opentext@flashmail.com