"სარბიელი"
# 158
შაბათი, 12 ივლისი, 2008 წელი
შესაძლოა, ქართველები კიდევ გადმოვიყვანოთ
ნუკრი ლოლაძე
გუშინწინ რუსთავში "ოლიმპი" აზერბაიჯანულ "სიმურგს" ექსპერიმენტული შემადგენლობით გაეჯიბრა და 0:2 დაამარცხა.
ამ მატჩს თვალყურს ადევნებდა აზერბაიჯანელი "სტანდარდის" ქართველი მთავარი მწვრთნელი კახა ცხადაძეც და ჩვენც მაშინ გამოველაპარაკეთ...- ფეხბურთელებს ორი დღით დასვენების საშუალება მივეცი და მეც საქართველოში ჩამოვედი.
- ახალი სეზონისთვის ერთი ქართველი ფეხბურთელი, მეკარე მიხეილ ალავიძე უკვე წაიყვანეთ და კიდევ ხომ არ გეგმავთ ვინმეს დამატებას.
- გუნდი საკმაოდ ბევრმა ფეხბურთელმა დატოვა და, ბუნებრივია, შევსებასაც მივიღებთ. არ გამოვრიცხავ, რომ ქართველებიც დავიმატოთ.
- თქვენმა შვილმა, ბაჩანამ, თბილისის "ვიტ ჯორჯია" დატოვა. მან ჩვენთან საუბარში თქვა, არ გამოვრიცხავ, "სტანდარდში" აღმოვჩნდეო...
- ბაჩანა ჩვენთან ვარჯიშობს და ვნახოთ, რა იქნება.
- გუნდის დაკოპლექტებას როდის დაასრულებთ.
- 20 ივლისს უკვე მეცოდინება რა და როგორ იქნება, რადგან ამ დღეს ბულგარეთში წავალთ შეკრებაზე.
- "სტანდარდთან" რამდენხნიანი კონტრაქტი გაქვთ.
- ერთწლიანი და შემდეგ ვნახოთ...
- ახალ სეზონში კლუბის ხელმძღვანელობა რა მიზანს გისახავთ.
- ჩვენი მიზანი ხუთეულში მოხვედრაა.
- არ არის დიდი ხანი, რაც ევროპის ჩემპიონატი დასრულდა და საინტერესოა, ვის გულშემატკივრობდით...
- ამ ჩემპიონატს უფრო პროფესიული თვალით ვუყურებდი. საკმაოდ მაღალი დონის ჩემპიონატი იყო. სანახაობრივმა და შემტევმა ფეხბურთმა გაიმარჯვა - ესპანეთი ღირსეული ჩემპიონია.
(c) გაზეთი "სარბიელი "
(c) ქართული პრესის კომპიუტერული არქივი
|
2008 წელი
მოგვწერეთ :opentext@flashmail.com