მთავარი
ჩვენს შესახებ
რჩეული
გალერეა
სტატიების RSS
 
ლელო
2009-04-22
...ეს ხომ საქართველოა!

ადრე დილიდან გვიან საღამომდე დიდი ფუსფუსია თბილისის სპორტის სასახლეში ძიუდოისტთა მომავალი ევროპის ჩემპიონატისთვის ამზადებენ დარბაზს. ეს მნიშვნელოვანი შეჯიბრება 24-25 აპრილს გაიმართება. მასპინძლებთან ერთად დაუღალავად ირჯებიან სტუმრები ევროპის ძიუდოს კავშირის წარმომადგენლები. აქტიურობით ოლიმპიური თამაშების ორგზის პრიზიორი, კავშირის სპორტული დირექტორი ინდრეკ პერტელსონი გამოირჩევა. რამდენიმე დღეა, იგი ჩვენს დედაქალაქში იმყოფება და შინაურულად გრძნობს თავს. ქართული სიტყვებიც უსწავლია და ომახიანად გასძახებს ხოლმე ბიჭებს მოდით აქ, რატომ არ მუშაობთ? რა გინდა, ბიჩო?..

მასმედიის წარმომადგენლებსაც არ ტოვებს უყურადღებოდ. მოცალეობის ჟამს ხალისით იძლევა ინტერვიუებს.

ყველა შეჯიბრება თავისებურია და ინდივიდუალურად უნდა მიუდგე მას, მითხრა გუშინ ბატონმა ინდრეკმა. ყველაფერს ვაკეთებთ დარბაზის კეთილმოსაწყობად, რათა სპორტსმენმა, მწვრთნელმა, გულშემატკივარმა და ტელემაყურებელმაც კომფორტულად იგრძნონ თავი. საქმის უდიდესი ნაწილი უკვე მოგვარებულია, დეტალები დარჩა დასაზუსტებელი. შეჯიბრებამდე კიდევ სამი დღეა და ყველაფერს უპრობლემოდ მოვასწრებთ.

თბილისში მიმდინარე პოლიტიკური მოვლენები ხომ არ გაშინებთ?

ეს თქვენი შინაური საქმეა და პრობლემების მოგვარებას თავადვე შეძლებთ. ქართველები სტუმართმოყვარე ხალხია და დარწმუნებული ვართ, თბილისში ჩამოსულ უცხოელებს სირთულეები არ შეექმნებათ. ისე, მართალი გითხრათ, ეს რომ სხვა სახელმწიფო ყოფილიყო, ამგვარ სიტუაციაში ჩემპიონატს აუცილებლად გადავიტანდით. მაგრამ ეს ხომ საქართველოა. მსოფლიოს წინაშე უსაზღვროა ქართული ძიუდოს დამსახურება. ევროპის ძიუდოს კავშირში დიდხანს განვიხილავდით შეჯიბრების თბილისში გამართვის საკითხს. მწვავე დისკუსიებიც იყო. ბოლოს იმ დასკვნამდე მივედით, რომ ქართულ ძიუდოს ჩვენი მხარდაჭერა სჭირდება. თქვენს ქვეყანაში ძალიან უყვართ სპორტის ეს სახეობა და ქართველი ქომაგის გაწბილება არ შეიძლება...

დავით ნამგალაური, სპორტისა და ახალგაზრდობის საქმეთა დეპარტამენტის თავმჯდომარე: - თბილისის სპორტის სასახლეს არაერთი მნიშვნელოვანი შეჯიბრებისთვის უმასპინძლია, მაგრამ ოლიმპიურ სახეობაში ამ დონის ასპარეზობა პირველად ეწყობა. მსოფლიოს თასების გათამაშებისას ასეთი სამზადისი არ დაგვჭირვებია. ახლა კი იძულებული გავხდით, 814 კვადრატული მეტრის სპეციალური პოდიუმი დაგვემზადებინა, პრესცენტრში ადგილები გაგვეზარდა, კეთილმოგვეწყო ორი მოსათელი დარბაზი, კვების ბლოკები და სხვა მნიშვნელოვანი ობიექტები.

ძიუდოს ეროვნული ფედერაციის, თბილისის მერიის, სპორტის დეპარტამენტისა და სამინისტროს ერთიანი ძალისხმევით ყველა სირთულე გადავლახეთ. ვფიქრობ, რომ მკაცრ გამოცდას ფრიადზე ჩავაბარებთ. გათვალისწინებულია ყველა ნიუანსი, სტუმრების მიღება-გაცილებისა და გულშემატკივართა მომსახურების ჩათვლით. 24-25 აპრილს ძიუდოს ქომაგებს დიდი ზეიმი ელით. მთავარია, ჩვენმა ფალავნებმა გაგვახარონ.

დავით ბერძენიშვილი, ძიუდოს ეროვნული ფედერაციის პირველი ვიცე-პრეზიდენტი: - მჯერა, რომ მასპინძლობით თავს არ შევირცხვენთ. ბევრი სტუმარი გვეყოლება არა მარტო ევროპიდან, არამედ ამერიკიდან, იაპონიიდან, კორეიდან, სხვა ქვეყნებიდანაც. ყველას სურს, მსოფლიოს ჩემპიონატამდე თბილისში იხილოს ევროპული ძიუდოს ელიტა და მისი მომზადების დონე.

რაც შეეხებათ ქართველ ფალავნებს, ისინი მზად არიან საბრძოლველად. ყველა ჯანმრთელადაა და ერთი სული აქვთ, როდის გავლენ ტატამზე. ცხადია, ვაჟებზე მოგახსენებთ. გოგონები კი ეცდებიან, თავიანთი შესაძლებლობის მაქსიმუმი აჩვენონ გულშემატკივრებს. ევროპის ჩემპიონატი ჩვენთვის იმითაც არის მნიშვნელოვანი, რომ იგი სტიმულს მისცემს საქართველოში ქალთა ძიუდოს განვითარებას.

ასე რომ, მომავალ შაბათ-კვირას ისეთი ზეიმი იქნება სპორტის სასახლეში, რომელიც არასდროს დაგვავიწყდება.

ავტორი: ვაჟა დანელია


კალენდარი
დეკემბერი  2009
ორშ   
სამ   
ოთხ   
ხუთ   
პარ   
შაბ   
კვ   
 
1
2
3
4
5
6
7
8
9
10
11
12
13
14
15
16
17
18
20
21
22
23
24
25
27
28
29
31
 
 
გაზეთები
ახალი თაობა
11x11
იმედი
ქიზიყი
შირაქი
სტუდენტური ნიუს
სარბიელი
თავისუფალი გაზეთი +
საქართველოს რესპუბლიკა
24 საათი
21-ს ქვევით
24 საათი - ბიზნესი
ლელო
24 საათი - დედაქალაქი
7 დღე
ალიონი
ახალი ეპოქა
ახალი 7 დღე
ახალგაზრდა ივერიელი
არილი
ახალი საქართველო
ალტერნატივა
აფხაზეთის ხმა
აქცენტი
ბანკი პლუს
განახლებული ივერია
გურია - news
დიასპორა
დილის გაზეთი
დრო
დრონი
ეკო-დაიჯესტი
ვეჩერნი ტბილისი
თანამემამულე
თბილისი
თბილისის სიახლენი
ივერია - ექსპრესი
იმერეთის მოამბე
იბერია - სპექტრი
კახეთის კარიბჭე
კახეთის ხმა
კავკასიონი
კვირას
კვირის პალიტრა
კვირის პანორამა
ლანჩხუთი პლუს
ლიტერატურული საქართველო
მეანაბრე
მენორა
მეოცე საუკუნე
მერიდიანი 44
მიწის მესაკუთრე
მწვანეყვავილა
ობშეკავკაზსკაია გაზეტა
ოლიმპი
რეზიუმე
საბანკო ბიულეტენი
საგურამო
საქართველო
საქართველოს ებრაელობა
სპორტის სიახლენი
ხალხის გაზეთი
ხვალინდელი დღე
ქართული
ქომაგი
ქუჯი
ცოცხალი
ჯორჯიან თაიმსი
ჯორჯია თუდეი
ჩვენი მწერლობა
ჩოხატაურის მაცნე
ღია ბოქლომი
ცისკარი
შანსი
2000
რეზონანსი
იმედი
საერთო გაზეთი
ახალი ვერსია
ლიტერატურული გაზეთი
Created by EVENS   2010

მთავარი
ჩვენს შესახებ
რჩეული
კონტაქტი