მთავარი
ჩვენს შესახებ
რჩეული
გალერეა
სტატიების RSS
 
დილის გაზეთი
2001-07-01
ზეიმი ყველასთვის უნდა იყოს, გამონაკლისების გარეშე

დღეს 1 ივნისია - ბავშვთა საერთაშორისო დღე. ბავშვის უფლებათა კონვენციით (რომლის რატიფიცირება საქართველომ 1994 წლის 21 აპრილს მოახდინა) ბავშვებს აქვთ: სიცოცხლისა და გადარჩენის უფლება, სამედიცინო მომსახურებით სარგებლობის, წყლითა და სანიტარიული სისტემით უსაფრთხოდ სარგებლობის უფლება... აგრეთვე, განათლების, ინდივიდუალობის განვითარების, გონებრივ და ფიზიკურ შესაძლებლობათა სრულად გამოვლენის უფლება... აქვთ უფლება, დაცულნი იყვნენ ნებისმიერი სახის დისკრიმინაციისა და ექსპლუატაციისგან, ომისა და გაჭირვებისგან... ბავშვებს აქვთ უფლება, ჰქონდეთ საკუთარი აზრი, თავისუფლად გამოხატონ თავიანთი შეხედულებანი, მიიღონ სასურველი ინფორმაცია...

საქართველოს სახალხო დამცველის 2000 წლის ანგარიშში - საქართველოში ადამიანის უფლებათა და თავისუფლებათა დაცვის მდგომარეობის შესახებ (თავი: ბავშვთა უფლებები) ვკითხულობთ: კანონით გარანტირებულია ცხრაწლიანი უფასო განათლება, თუმცა, პრაქტიკა საპირისპიროს მეტყველებს: დაწყებითი კლასიდანვე, საშუალო სკოლების არასათანადო დაფინანსების გამო, სისტემატურად ხდება მოსწავლეთა მშობლებისგან ფულის აკრეფა; სახელმძღვანელოები საშუალო შემოსავლებთან შედარებით ძვირია, საშუალო სკოლების შენობები ამორტიზებულია, ბევრ მათგანში მოუწესრიგებელია ზამთრის სეზონზე გათბობა; ხდება მოსწავლეთა ჩხრეკა მასწავლებლებისა და პოლიციის მხრიდან. 1999-2000 სასწავლო წელს საბაზო (9-კლასიანი) საშუალო განათლება მიიღო 61955 მოსწავლემ, მათგან 51469-მა სწავლა გააგრძელა...

ცალკე პრობლემაა მშობელთა მზრუნველობას მოკლებული და ქუჩის ბავშვები, რასაც არანაირი სტატისტიკა არ სჭირდება.

როგორ ხვდებიან მსოფლიო მნიშვნელობის დღეს ქართველი ბავშვები, რამდენად იცნობენ საკუთარ უფლებებს და რა სურვილები აქვთ, ამაზე თავად გვესაუბრებიან:

8 წლის მეგობრები (თანაკლასელები): ხატია, ნინი და ანი:

ხატია - ბავშვთა დღეა 1 ივნისი. აუცილებლად ზოოპარკში წავალ და მეგობრებთან ერთად ვიმხიარულებ, სხვა რა უნდა გავაკეთო ამ დღეს?

ნინი - იცით რას ვინატრებდი? - ჩემს ბიძაშვილთან ერთად საზღვარგარეთ წავსულიყავი დასასვენებლად.

ანი - კონცერტი მაქვს ფილარმონიაში, ბავშვთა დღესთან დაკავშირებით იმართება, იქ გამოვალ, შემდეგ არ ვიცი, წინასწარ არაფერს ვგეგმავ.

ანუკა, მარიკა და ელენე (14 წლის):

ანუკა - განსაკუთრებით ამ დღეს არასოდეს შევხვედრივართ, რაიმე გეგმები არც ახლა გვაქვს, ვნახოთ, რა იქნება.

მარიკა - ბევრმა არც კი იცის, 1 ივნისი რომ ბავშვთა დღეა...

ელენე - თუ ბავშვების დღეა, განსხვავებული უნდა იყოს ყველა ბავშვისთვის, გამონაკლისების გარეშე. ვიცი, რომ თბილისში ზოოპარკში და ვაკის პარკის საქანელებზე ამ დღეს უფასოდ ეპატიჟებიან ბავშვებს, მაგრამ ეს საკმარისი არ არის. უმჯობესია, ღია კონცერტები გაიმართოს, რომ მონაწილეობა ყველამ მიიღოს და არა ერთეულებმა.

დათო გიორგიძე, 9 წლის:

- ბავშვთა სოლიდარობის დღეა.

- რას ნიშნავს ბავშვთა სოლიდარობა?

- აი, ბავშვს თავისი უფლებები უნდა ჰქონდეს, მოითხოვოს სწავლა, უსაფრთხოება და ამ უფლებების დაცვა.

- შენი უფლებები ირღვევა?

- ხანდახან, მაგალითად, როცა კლასელები ვჩხუბობთ, ან ვინმე ქუჩაში უმიზეზოდ დაგვტუქსავს.

- დღეს რას აპირებ?

- არაფერს, ჩემთვის ერთი ჩვეულებრივი დღე იქნება.

- რას უსურვებ თანატოლებს?

- ყველა ბავშვი ყოველთვის კარგად იყოს, ჯანმრთელად და კარგად ისწავლონ.

ილია ბაზერაშვილი, 11 წლის:

- დღეს რა დღეა?

- პარასკევი.

- სხვა არაფერი?

- არა.

მიშა კილოსანიძე, 4 წლის (დედიკო და ბებია ეხმარებიან): გუშინ ბავშვთა დღესთან დაკავშირებით ბაღში ზეიმი მქონდა. ლექსები ვთქვი, ვიმღერე და ვიცეკვე. დღეს კუს ტბაზე წავალ სასეირნოდ.

ავტორი: ინგა მოსიაშვილი


კალენდარი
დეკემბერი  2001
ორშ   
სამ   
ოთხ   
ხუთ   
პარ   
შაბ   
კვ   
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
გაზეთები
ახალი თაობა
11x11
იმედი
ქიზიყი
შირაქი
სტუდენტური ნიუს
სარბიელი
თავისუფალი გაზეთი +
საქართველოს რესპუბლიკა
24 საათი
21-ს ქვევით
24 საათი - ბიზნესი
ლელო
24 საათი - დედაქალაქი
7 დღე
ალიონი
ახალი ეპოქა
ახალი 7 დღე
ახალგაზრდა ივერიელი
არილი
ახალი საქართველო
ალტერნატივა
აფხაზეთის ხმა
აქცენტი
ბანკი პლუს
განახლებული ივერია
გურია - news
დიასპორა
დილის გაზეთი
დრო
დრონი
ეკო-დაიჯესტი
ვეჩერნი ტბილისი
თანამემამულე
თბილისი
თბილისის სიახლენი
ივერია - ექსპრესი
იმერეთის მოამბე
იბერია - სპექტრი
კახეთის კარიბჭე
კახეთის ხმა
კავკასიონი
კვირას
კვირის პალიტრა
კვირის პანორამა
ლანჩხუთი პლუს
ლიტერატურული საქართველო
მეანაბრე
მენორა
მეოცე საუკუნე
მერიდიანი 44
მიწის მესაკუთრე
მწვანეყვავილა
ობშეკავკაზსკაია გაზეტა
ოლიმპი
რეზიუმე
საბანკო ბიულეტენი
საგურამო
საქართველო
საქართველოს ებრაელობა
სპორტის სიახლენი
ხალხის გაზეთი
ხვალინდელი დღე
ქართული
ქომაგი
ქუჯი
ცოცხალი
ჯორჯიან თაიმსი
ჯორჯია თუდეი
ჩვენი მწერლობა
ჩოხატაურის მაცნე
ღია ბოქლომი
ცისკარი
შანსი
2000
რეზონანსი
იმედი
საერთო გაზეთი
ახალი ვერსია
ლიტერატურული გაზეთი
Created by EVENS   2010

მთავარი
ჩვენს შესახებ
რჩეული
კონტაქტი