მთავარი
ჩვენს შესახებ
რჩეული
გალერეა
სტატიების RSS
 
დილის გაზეთი
2001-07-01
სტურუა ისევ ხუმრობს
მარინა ზაინოცი, "იტოგი", 22 მაისი, 2001 წელი

რობერტ სტურუა კარგა ხნის წინათ აპირებდა სცენაზე სახარების სიუჟეტის წარმოდგენას, მაგრამ ყოყმანობდა - იდეა მაცდუნებელი იყო და სახიფათოც. შემდეგ გაახსენდა შექსპირის ერთი კომედია და მიხვდა, რომ გამოსავალს მიაგნო. და მართლაც, ჩვენთვის ასე ნაცნობი "მეთორმეტე ღამე" რეჟისორის ამ ოცნების ახდენის საუკეთესო საშუალება აღმოჩნდა. შობის მეთორმეტე ღამე თავშესაქცევად და გასართობად შესაბამისი დროა. რატომ არ უნდა გაითამაშონ

იესო ქრისტეს მოწამებრივი სიკვდილი?

ასე ფიქრობდა რეჟისორი და მამაცურად შეეგება მოსალოდნელ წინაღობებს.

მასა სტურუას იცნობს, როგორც ეფექტური საკარნავალო სცენების რეჟისორს. ყველაფერ ამას განსაკუთრებით წარმატებით ახორციელებს შექსპირთან, რომლის პიესებიც არაერთხელ დაუდგამს, თანაც ტრიუმფით. მით უმეტეს, რეჟისორის საყვარელმა ავტორმა კაცობრიობას აჩუქა ფრაზა, რომელსაც იმეორებს ყველა, ვისაც არ ეზარება: "მთელი მსოფლიო თეატრია, ადამიანები კი, მსახიობები არიან".

"მეთორმეტე ღამეს" თამაშობენ მასხარები - თეთრები, შავები, წითურები - ყველანაირნი. ისინი ჰერცოგ ორსინოს სასახლის კარზე ისევე ფუთფუთებენ, როგორც ჩვენს სამზარეულოში ტარაკანები... მთელ სცენაზე გაფანტულია პატარა ჯოხებზე დამაგრებული გასაბერი ბურთები. მარია, ოლივიას კამერისტი ქალი სცენაზე ჟღალი პარიკით და ფუნჯებიანი ჩექმებით ჩნდება. ვიოლა, მოზარდის შავ ტანსაცმელში გამოწყობილი, მოხდენილ და მოწყენილ პიეროს გვაგონებს. მსახიობებს მოულოდნელად გული მისდით, ამოძვრებიან "მიწისქვეშეთიდან", ხელებს იქნევენ, როგორც თოჯინა-მარიონეტები, რომლებსაც უზენაესი მართავს.

იმავდროულად, სახარებასაც თამაშობენ. გაბრიელ მოციქული, კეთილი ამბების მაცნე, მიწაზე ეშვება, თავსარქმელს იხდის და... თურმე, ჰერცოგი ყოფილა. სპექტაკლის სცენები ისეა გადახლართული ერთმანეთში, რომ ვერ გააცალკევებ. მეფე იროდი, თეთრ სამოსელში და გამობერილი ღიპით, საორკესტრო ორმოში მოისვრის ჩვრებში გახვეულ ყრმას და მაშინვე პრანჭვით გადაეხვევა ლამაზმან ოლივიას. იცვლება მუსიკა (ძველ თანამოაზრე გია ყანჩელს ჩაენაცვლება კომპოზიტორი მარტინ ჟაკი), იცვლება განათებაც. შემსრულებლები კი იგივენი - მათი უდიდებულესობა მასხარები არიან.

სინამდვილეში ეს ექსცენტრიკაა: სხვადასხვა რეალობის სახიფათო მონაცვლეობა. თუკი ვერ მიხვდით, რა შუაშია სახარება, ნუ შეშინდებით. სპექტაკლის შემოქმედის ამოცანაც ეს არის: ყველაფერი ჩახლართოს სერპანტინის ლენტებით, დაამცროს ჯანსაღი აზრი და აღამაღლოს პარადოქსი, რომელიც, სიმართლე ითქვას, ჭეშმარიტებაა, ოღონდ თავდაყირა. თვალთმაქცობა ამ სპექტაკლის სული, მისი კონსტრუქციაა.

სტურუას სპექტაკლის უპირობო პირობაა არტისტიზმი. "მეთორმეტე ღამეს" რუსთაველის თეატრის მსახიობები თამაშობენ ვირტუოზულად, მსუბუქად და ნამდვილი თავლთმაქცებისთვის დამახასიათებელი ბრწყინვალებით. თავისთავად ცხადია, რომ ისინი ტემპერამენტიანი და გამომსახველნი არიან (მაინც ქართველები არიან), მაგრამ მხიარული მასხრობისა და სევდის იშვიათ სინთეზს ისინი იოლად აღწევენ.

მთელი სპექტაკლის მანძილზე სტურუა, როგორც თხემით ტერფამდე ცირკის მსახიობი, ბაგირზე სრულიად დაუცველად მოძრაობდა და მეორე მოქმედებაში შეიქმნა შთაბეჭდილება, თითქოს წაიფორხილა და შეიძლებოდა უფსკრულისკენაც დაშვებულიყო, მაგრამ... თავი შეიმაგრა - ისეთი ლამაზი იყო საფინალო სცენა. სიცოცხლის ტკბობით ნეტარებაში ჩაფლული მაყურებელი გაყუჩდა და... ცრემლიც ვეღარ შეიკავა.

თამაშის მოყვარული სტურუა გულისგულში ნამდვილი რომანტიკოსი და მორალისტია. იგი არის გულღია, უშუალო, შეიძლება, იმაზე მეტადაც, ვიდრე აუცილებელია ჩვენს დროში. თეატრალურმა საზოგადოებამ შეიყვარა იდუმალი ორაზროვნება, სისასტიკე და ანგარიშიანობა. კრიტიკოსები სტურუას სპექტაკლს, ალბათ, განაქიქებენ, მაგრამ პუბლიკა... შოთა რუსთაველის თეატრის პირველი გასტროლებიდან მოყოლებული, მსგავსი წარმატება მას არ ჰქონია.



კალენდარი
აგვისტო  2001
ორშ   
სამ   
ოთხ   
ხუთ   
პარ   
შაბ   
კვ   
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
გაზეთები
ახალი თაობა
11x11
იმედი
ქიზიყი
შირაქი
სტუდენტური ნიუს
სარბიელი
თავისუფალი გაზეთი +
საქართველოს რესპუბლიკა
24 საათი
21-ს ქვევით
24 საათი - ბიზნესი
ლელო
24 საათი - დედაქალაქი
7 დღე
ალიონი
ახალი ეპოქა
ახალი 7 დღე
ახალგაზრდა ივერიელი
არილი
ახალი საქართველო
ალტერნატივა
აფხაზეთის ხმა
აქცენტი
ბანკი პლუს
განახლებული ივერია
გურია - news
დიასპორა
დილის გაზეთი
დრო
დრონი
ეკო-დაიჯესტი
ვეჩერნი ტბილისი
თანამემამულე
თბილისი
თბილისის სიახლენი
ივერია - ექსპრესი
იმერეთის მოამბე
იბერია - სპექტრი
კახეთის კარიბჭე
კახეთის ხმა
კავკასიონი
კვირას
კვირის პალიტრა
კვირის პანორამა
ლანჩხუთი პლუს
ლიტერატურული საქართველო
მეანაბრე
მენორა
მეოცე საუკუნე
მერიდიანი 44
მიწის მესაკუთრე
მწვანეყვავილა
ობშეკავკაზსკაია გაზეტა
ოლიმპი
რეზიუმე
საბანკო ბიულეტენი
საგურამო
საქართველო
საქართველოს ებრაელობა
სპორტის სიახლენი
ხალხის გაზეთი
ხვალინდელი დღე
ქართული
ქომაგი
ქუჯი
ცოცხალი
ჯორჯიან თაიმსი
ჯორჯია თუდეი
ჩვენი მწერლობა
ჩოხატაურის მაცნე
ღია ბოქლომი
ცისკარი
შანსი
2000
რეზონანსი
იმედი
საერთო გაზეთი
ახალი ვერსია
ლიტერატურული გაზეთი
Created by EVENS   2010

მთავარი
ჩვენს შესახებ
რჩეული
კონტაქტი